Kuwait City: China se saari duniya mein phelnay walay coronavirus ki wajah se har ilaqay mein khauf ka mahol hai aur baday baday mahireen ilaaj is wabai marz ki dawa daryaft karne mein mashgool hai aur isi darmain mein ek Kuwait khatoon ne coronavirus ke ilaaj ke liye dawa ka nah sirf daawa kiya hai balkay ilaaj ke auwaz Crores rupiye ka mutalba kiya hai.
Tafseelaat ke bamujab Kuwait Social Media Star Salwa Al-Materi ne daawa kiya hai ke un ke paas corona ka ilaaj hai aur wo is zimn mein Kuwait mein cheeni sefartkhane se rujoo karliya hai. Al-Materi ne social media par sefartkhane ke baher khaday hokar video jari ki jis mein unhoun ne kaha hai ke mein apne daaway mein sachhi hon, Mere paas corona ka ilaaj hai jisay mein cheeni sefartkhane mein zimma daar ke hawalay karoun gi. Kuwait Social Media star Salwa Al-Materi ki ye video social media par Viral hogayi hai. Qabal azeen Al-Materi ne ye daawa kiya tha ke is ke paas wabai marz corona ka shafi ilaaj hai. Is zimn mein is ne ilaaj ke liye 3 Arab Dollar talabb kiye they.
Social media sarfeen ne Al-Materi ke waday ko jutlatay huve kaha ke un ke paas koi ilaaj nahi wo sasti shohrat ki rasta ikhtiyar kar rahi hain. Logoun ke remarks ke baad Al-Materi ne Kuwait mein cheeni sefartkhane ke baher khaday hokar wo dastaweez bhi dikhayi jis mein is ke mutabiq corona ka shafi ilaaj darj hai. Wazeh rahay is se qabal maroof aalmi shohrat yafta Fun kar Jackie Chan ne corona ka ilaaj daryaft karne walay ke liye ek lakh 34 hazaar Dollar inaam ka elaan kiya hai. –YTN STAFF