Awam mein is waqt yeh uljan hai ke corona aur mousmi amraaz ki alamat taqreeban aik jaisi hi hain lehaza kisay corona samjhain aur kisay mousmi amraaz? isi douran doctoron naay inhen aindah 4 mah chokanna rehne ka mahswara diya hai. Telangana mein corona ke mamlaat mein kami hui hai taham doctors naay rawan mausam ke paish nazar amraaz ka khadsha zahir kya hai aur awam ko chokas rehne ka mahswara diya hai. Doctors naay swineflu, dengue aur deegar mousmi amraaz ke phelnay ka bhi intibah diya.
Unhon naay aindah chaar mah tak ahthyat ki zaroorat par zor diya hai. barish ke mausam ke sabab pani se honay walay amraaz ho saktay hain. guzashta saal dengue ke mamlaat sheher Hyderabad mein dekhe gaye thay. Jaria saal bhi dengue ke mamlaat ke darj honay ka khadsha hai. is ke liye awam ko chokas rehne ki zaroorat zahrki gayi hai.
ALSO READ: Telangana mein 19 June se lockdown marhala waar khatam hoga
Doctors ne nishandahi ki ke is mausam mein khansi, bukhaar mousmi amraaz jaisay dengue, maleria, ishaal jaisi amraaz hoti hain. is martaba dengue, swine flu ke mamlaat ziyada darj honay ka khadsha hai. mousmi amraaz ki alamaat mein joron mein dard, khansi bhi hoti hai jo dengue ki alamaat hain.
Awam mask ka istemaal karte rahen, haath dhotay rahen, samaji faasla ko barqarar rakhen. behtar aur qowat mudafat mein izafah wali ghizzayen istemaal karen. corona ki alamaat aur mousmi amraaz ki alamaat taqreeban yaksaa hoti hain. mousmi amraaz mein sardi, khansi, jism mein dard, naak behnay ki shikayaat hoti hain. dotin dinon mein yeh kam hojati hain. bukhaar ke musalsal honay, jism mein dard honay par corona ka muaina karwana zaroori hai.
Hifzaan sehat ka khayaal rakhna chahiye. pani saaf aur behtar istemaal karen. do taa teen dinon tak bukhaar rehne corona ka muaina krwane ki Hadayat di gayi hai. ilawa azeen bemaar honay par khauf zada honay ke bajaye doctor se rujoo honay ki Talqeen ki gayi hai.