Friday, March 29, 2024
HomeHyderabadCorona vaccine ki mehfooz muntaqili, Hyderabad aur Dubai airport mein moahida

Corona vaccine ki mehfooz muntaqili, Hyderabad aur Dubai airport mein moahida

Hyderabad : Corona vaccine ki tayyaron ke zareya muntaqili ab ek ahem kaam hai jiske liye har mumkina koshish ki jarahi hai kyunkay dawa ki muntaqili ke liye darja hararat aur deegar umoor ka khaas khayaal rakha jana ahem hai.

Darin asna Hyderabad  international airport limited, GMR Hyderabad cargo (GMR- hyderabad) aur Dubai airports ne corona vaccine ki tayyaron ke zareya muntaqili ke liye raahdaari qaim karne se ittafaqar. Is kaam ke liye khusoosi tour par is baat ka khayaal rakha jayega ke vaccine ke liye darkaar darja hararat is raahdaari mein fraham ki jaye. Is kaam ke liye mazkoorah fariqain ke darmiyan ek moahida hua.

Is mauqa par yad-dasht mafahmat par pradip panekar CEO hyderabad airport, sourab kumar CEO. GMR air cargo aur deegar, Dubai airports coopration ne ek virtual taqreeb mein dastakhat kiye. Is yad dasht mafahmat ke mutabiq GMR- hyderabad aur Dubai darker darja projects hararat is raahdaari mein fraham karen ge. is moahida ke zareya covid 19 ke teeka ki tayari ke markaz se airport aur phir wahan se dosray maqam muntaqil karne ke amal ko aasaan banaya jaye. Is mushtarqa qadam ke hissa ke tour par Dubai airport ne GMR-Hyderabad  ki nishandahi ahem air cargo partners ke tour par ki hai. is ishtiraaq mein dono mil kar anti gratitude IT solution par kam karenge. Is yad-dasht mafahmat par izhaar-e-khayaal karte hue pradip ne kaha kay GMR-hyderabad air cargo hamesha tikon ki bar-aamad ke liye ek tarjeehi markaz raha hai. Mojooda aalmi pas manzar mein mansoobah bandi aur ishtiraaq ki zaroorat hai taakay covid-19 ke tikon ki mehfooz aur mo-asar tour per fazai hamal o naqal ke zareya muntaqili ko yakeeni banaya jasakey.

Unhon ne kaha kay SG  kishore executive director south o cheif innovation officer GMR airports ne kaha ke chunkay duniya tikon ki ghayr-maa’mooli muhim shuru kar chuki hai taakay covid-19 ka khtama hosake aur humara ishtirak dubai airports ke saath teeka ke makhsoos  rahdari  ke liye hua hai  jiske zariye baghari kisi rukawat ke mehfooz aur mo-asar tor per teekoun ko hyderabad se aur hyderabad ke liye farahmi ko yakheeni banaya jayega jo junoobi asia ki dawasazi ka dar-ul-hukumat hai.