New Delhi: Hindustan mein coronavirus ko shikast dainay walay mareezon ki tadaad mein lagataar izafah se iski tadaad badh kar 88 laakh se ziyada hogayi hai jabkay fa-aal mareezon ki tadaad mein daidh feesad bhi kam hokar pauney paanch feesad reh gaye hain.
Markazi wizarat sehat wo khandani behbood ke mutabiq guzashta 24 ghanton ke douran Mulk mein coronavirus ke 38772 naye mamlaat report hue jis se mutasireen ki majmoi tadaad 94.31 laakh hogayi. Isi arsay ke douran 45333 mareez sayhat-mand hue jis se iski majmoi tadaad 88.47 laakh se zayed hogayi. fa-aal mareezon mein 7004 Adad ki kami ke sath yeh tadaad 4.46 laakh reh gayi. Isi arsay mein mazeed 443 mareezon ki halakat ke sath amwaat ki tadaad badh kar, 37,139 hogayi hai.
Hindustan mein corona se sehat yabi ki sharah 93.81 feesad fa-aal mareezon ki sharah 4.74 aur amwaat ki sharah 1.45 feesad hai. guzashta 24 ghanton ke douran riyasat Maharashtra mein sab se ziyada ( 1097 ) fa-aal mamlaat report hue aur halakatoun ki tadaad bhi isi riyasat mein sab se ziyada ( 85 ) hai jabkay Delhi mein sab se ziyada ( 6325 ) corona mareez sehat yab hue hain.
Mulk mein jaan-lewa aur mohlik tareen covid-19 coronavirus se sab se ziyada mutasir riyasat Maharashtra hai jahan fa-aal mareez badh kar ab 92062 hogaye hain. Riyasat mein amwaat ki tadaad badh kar 47071 hochuki hai, jabkay ab tak 16.80 laakh se ziyada afraad ne corona ko shikast di hai. Riyasat kerala mein sehat mand mareezon ki tadaad 5.32 laakh se ziyada hogayi hai halaanke fa-aal mareez 245 ghat kar 64719 reh gaye hain jabkay 2223 afraad halaak ho chukay hain. Dehli mein sargaram mamlaat ki tadaad 1487 se ghat kar 35091 reh gayi hai. wahein is jaan lewa waba se 9066 mareez apni zindagion se haath dho baithe hain aur 5.22 laakh se ziyada corona mareez sehat yab hue hain.