Guntur: Ambulance ke muntazir ek corona mutasirah shakhs ki sadak par achanak girnay ke nateeja mein mout hogayi taham is ke rishta daar is ke qareeb nahi gaye aur baldia ke ohdedaroun ko hi is ki laash shamshaan ghaat muntaqil karni padi. Ye ghair insani waqea AP ke zila Guntur mein pesh aaya. Ye shakhs Ambulance ka intezaar karne ke liye ghar se baher nikla tha. Is ke achanak sadak par gerpadne ke nateeja mein is ki mout hogayi.
Is ki laash taqreeban 4 ghante sadak par hi padi rahi. Baad azan Sattanapalli baldi hukkaam ney Hindu Maha Prasthanam ke arkaan ki madad se is ki laash ko aakhri rasomaat ke liye shamshaan ghaat muntaqil karne ke iqdamaat karne pade. Is shakhs ko Volunteer ney subah hi kaha tha ke wo corona se mutasir hai. Muqami afraad ney kaha kay wo achanak sadak par gir padi jis ki wajah se is ki mauqa par hi mout hogayi.