Hyderabad: Telangana ke zila Nizamabad ke ek sarkari hospital mein ziralaj corona ke ek mareez nay Selfie Video letay hue munasib ilaaj ki sahoolat faraham nah karne ki shikayat ki. Zila ke Dharmara ilaqa ke rehne walay is corona mutasir Madho nay apni is video mein ilzaam lagaya ke Ventilator faraham karne ki khwahish par tibbi ehalkaron ki janib se is se enkar kiya gaya. Is nay kaha ke is ko behtar ilaaj ke liye Hyderabad bheja jaye.
Jab is talluq se tibbi ahkaron se daryaft kiya gaya tu unhoun ne ilaaj mein la parwahi ki tardeed ki aur kaha ke sugar ki dawa aur Insulin ke masla par mutasir aur duty Dr ke darmain hui mamooli behas-o-tagrar ke baad mutasir shakhs ne barhami ke aalam mein ye video banaya aur is ko Social media ke mukhtalif Platforms par post kiya. Hospital Superintendent ne ye baat bataaye. Is video mein is shakhs ne kaha kay itwaar ki dopehar wo is hospital mein aaya tha. Is din is ka muaina karte hue is ko hospital mein daakhil karliya gaya. Is din se aaj tak Dr ney is ka muaina nahi kiya aur sirf Nurses hi is ka ilaaj kar rahi hain. Is ko oxygen aur Ventilator se mahroom kiya gaya aur jab is se poocha gaya to ek goli hi di gayi. Is ney kaha kay is ko Hyderabad muntaqil kiya jaye.