Corona ka teeka pani ki bottle se bhi kam qeemat par dastyab hoga: Krishna Ella
Hyderabad: Telangana ke wazeer baldi nazam wansaq-o-shehri taraqqi ke KT Rama Rao ne tasdeeq ki hai ke corona ka teeka ke liye pooray mulk ki nazar Hyderabad par hai. Unhoun ne aaj Bharat Biotech Company ka dora kiya aur mahireen se is desi sakhta teeka ki tayari ke umoor par tabadlah khayaal kiya. Sath hi teeka ke insanon par tajurbah ke masail par bhi baat cheet ki gayi. Unhoun ne kaha ke inhen is baat ka yaqeen hai ke ye company jald hi badi kamyabi corona ke teeka ke silsila mein haasil kere gi. Ye kamyabi ki khaber Hyderabad se hi aaye gi.
Wazeer Mosoof ne is ehsas ka ezhar kiya ke ek martaba phir hindostan ka teeka tayyar karne wala shoba ek martaba phir ahem rule is khosoos mein ada kere ga aur poori duniya mein Hyderabad ke banaye hue teekay beje jayen ge. Unhoun ne kaha kay ye ek fakhr ki baat hai ke Hyderabad duniya ke ek tahai teekay tayyar karta hai aur ye un mahireen ki wajah se hi mumkin ho saka. Bharat Biotech company ke Managing Director Krishna Ella ne kaha ke naye virus se challenge ka saamna hai. America aur aalmi tanzeem sahet is ke teeka ki tayari mein ahem kirdaar ada kar rahay hain. Unhoun ne nishaan
Hyderabad ki companian teekay tayyar karne wali duniya ki kisi bhi company se peechay nahi hain. Corona ka teeka pani ki bottle se bhi kam qeemat par dastyab hoga. Unhoun ne kaha ke duniya ko ek hi miyaar ke teeka faraham kiye jayen ge. Corona ne poori duniya mein maliyati bohraan peda kiya hai. Markazi hukoomat ko chahiye ke wo teeka ki tayari ke liye companiyon ke sath mushawarat kere.