Hyderabad : Corona ke khauf se ek zaeef jodey ne khudkushi karli. ye waqea shehar Hyderabad ke khairtabad mein pesh aaya. yeh joda apni ki sahet ke barey mein fikar mand tha kyunkay unka bukhaar kam nahi ho raha tha.
Is jodey ne ek khudkushi note choda aur kaha ke woh apne bachon ko corona se bachanay ke liye yeh intahi iqdaam kar rahay hain. police aur Aini shahideen ke mutabiq 65 sala E. Venkateshwar aur iski biwi 60 sala venkat laxmi khairtabad ke Raj nagar mein rehtay they.
Un dono ke 2 betay isi ilaqa mein qareeb mein hi rehtay they. is jodey ke potay unke ghar kheilnay ke liye atay they. yeh dono guzishta 10 din se bukhaar se mutasir they jiske baad unhon ne apne potay potyon ko hidayat di thi ke woh unke ghar na ayen. is jodey ne shuba kiya ke agar unko hospital mein daakhil karwaya gaya to unki mout hosakti hai jiske paish-e-nazar is jodey ne soft drink mein keerey maarne wali dawa mila kar pee liya aur khudkushi karli.
Ittila mlitay hi police wahan pohanchi, is silsila mein ek maamla darj karkay jaanch shuru kardi.