Hyderabad: Telangana mein qalb ki bimarion mein mubtala mareezon ka dawakhanon se rujoo honay ya indraaj aur dakhilay mein kam az kam 50% kami waqay hui hai kyunkay loog coronavirus ke wabai amraaz ke darmiyan dawakhanon se rujoo honay se khaif aur mohtaat hain. Cardio logical Cardiological Society of India Telangana Chapter ke Dr KMK Reddy ne kaha hai wabai amraaz ke douran dil ka dora padney ki tadaad mein izafah huwa hai. Ziyada tar logon ne dil ki bemari ka shikaar hokar bar waqat madad nahi li hai aur waqt par dawakhanon se rujoo nahi kiya.
Coronavirus ki wajah se logon ko dawakhana jane se khauf aur hichkichahat la-haq hai. Ab lockdown khatam honay ki wajah se loog aahista aahista dawakhanon ka rukh karna shuru kar rahay hain. World Heart Day ke mauqa par shehar ke maahir amraaz qalb ke ek group ne kaha ke dil ki bimarion mein mubtala mareezon ko wabai marz ki wajah se ilaaj mein takheer ya nazar andaz nahi karna chahiye. Doctors ki nishandahi karte hue kaha hai ke is saal ghar mein qalb par hamla ki wajah se marnay walay afraad ki tadaad mein izafah huwa hai. World Heart Day 29 September ko CVD ko shikast dainay ke liye dil ka istemaal karen ke unwan se manaya ja raha hai. Dr GCR Murti, Clinical Director ( Cardiology ), Care hospital ne kaha Covid-19 wabai bemari ke aaghaz ke baad se dil aur is se mutaliq amraaz mein mubtala nisf logon ko tibbi ilaaj haasil karna mushkil hogaya hai.
Jab ke dawakhanon se rujoo honay walay mareezon ki tadaad bhi kam hogayi hai lekin qalb par hamla ki wajah se ghar mein hi marnay walay afraad ki tadaad mein izafah hota ja raha hai. Sab se badi tashweesh yeh hai ke dil ki sangeen sorat-e-haal honay ke bawajood mareez ilaaj mein takheer kar rahay hain jo un ki sehat ko mazeed mutasir kar raha hai. Doctors ne is baat ki nishandahi ki ke pehlay se mojood amraaz qalb, Pichlle dil ke doray, Ya dil ki kam pumping karkardagi walay mareez ( dil ki kharabi ) ) covid-19 se ziyada khatrah mein hain.
Care Hospital ke Senior cardiologist Dr Kaparti ne kaha dil ki bemari mein mubtala mareezon ko jismani aur jazbati tor par apni ziyada dekh bhaal karne ki zaroorat hai aur apne aap sehat mand rakhnay ke liye corona protocol ki bhi pairwi karne ki zaroorat hai. Ghar ke andar werzish karna, Yoga ki mashq karna, Sehat mand khana, Neend mukammal karna, Baqaidagi se duwaein lena, Mask pehnana kuch aisay tareeqay hain jin ke zareya dil ke mareez khud ko sehat mand rakh satke hain.