Hindustan mein coronavirus bemari ki dusari lehar ke nateejay mein fazai musafiron ki tadaad mein zabardast kami waqay hui hai jis ke baad wizarat shehri hui hai baazi naay apni Website par rozana ke adaad o shumaar jari karna band kardiye hain. Directorate General of Civil Aviation (DGCA) ke zareya jari kardah adaad o shumaar ke mutabiq is saal March ke muqaabla mein, April mein gharelo raastoon par musafiron ki tadaad 26. 81 feesad kam hokar 57. 25 laakh reh gayi. yeh tadaad october 2020 ke baad sab se kam hai. is saal March mein 78. 22 laakh afraad naay fazai safar kiya hai.
May mein is tadaad mein mazeed taizi se kami ke baad shehri hawa baazi ki wizarat ne musafiron aur parwaazon ke liye rozana ke adaad o shumaar jari karna band kardiye hain. hatmi adad o shumaar 14 May tak ke dastyab hain, jab aik hi din mein 54181 musafir 825 parwaazon mein sawaar hue. yeh April ke rozana ost se 72 feesad kam hai. aam tor par April aur May mein fazai musafiron ki tadaad mein izafah hota hai kyunkay schools colleges mein bachon ki tatilat ke baais bachay afraad khandan se milnay jatay hain lekin is saal riwayat ke barkhilaf Coronavirus ki wajah se kami waqay hui.
Guzashta saal mulk mein musafiron ki baqaida parwazein 25 March se do mah ke liye mukammal tor par bund kardi gayi thi. Is ke baad 25 May 2020 se gharelo raastoon par baqaida parwazein dobarah shuru ki gayeen. 2021 feb tak har mah musafiron ki tadaad mein izafah hota raha. feb mein yeh tadaad 78.27 laakh hogayi. March mein waba ki doosri lehar ki wajah se mamooli kami ke sath yeh tadaad 78.22 laakh hogayi. April mein is waba ke bhayanak shakal ikhtiyar karte hi is mein 27 feesad kami waqay hui.
DGCA ke adaad o shumaar ke mutabiq rawan saal January aur April ke darmiyan musafiron ki tadaad mein 11.56 feesad kami waqay hui hai. is arsay ke douran 2 crore 91 laakh 8 hazaar afraad nay hawai safar kya jabkay guzashta saal isi arsay mein yeh tadaad 3 crore 29 laakh 12 hazaar thi. jaisay jaisay waba ke qehar mein izafah hota gaya parwaazon mein bhari hui nashiston ka tanasub bhi kam hua. April mein lagataar dosray mahinay taqreeban tamam air lines ke musafiron ke par nshton ki tadaad mein kami hui.