Hyderabad: Shehar Hyderabad ke public health center par hukoomat ki janib se corona ke Antigen test karwanay ki sahoolat shuru ki gayi hai jis ke pesh e nazar awam ki taweel qatarain is test ko karwanay ke liye dekhi jarahi hain. Tamam public heath center par ye qatarain dekhi jarahi hain jahan ye muanay muft karwanay ki sahoolat hai.
Greater Hyderabad Municipal Corporation ( GHMC ) hudood mein har roz 6000 test kurwaye jarahay hain. Budh ki subah Kokatpally Public Health Center par awam ki qataar dekhi gayi. Taham rozana sirf 100 afraad ke hi maayne kiye jarahay hain jis se ye afraad jo apni baari ke muntazir hotay hain, Mayoosi ke aalam mein wahan se rawana ho rahay hain. Un afraad ka kehna hai ke ghantouyn qitaar mein teharne ke bawajood un ki baari nahi aa rahi hai jis se un ko mayoosi ka saamna hai. Kayi afraad ne Antigen test karwane ko tarjeeh day rahay hain jahan test ka nateeja sirf chand mintoun mein hi araha hai.