Hyderabad : TRS ke car-guzar sadar KT Rama Rao ney congress qaideen par riyasat mein badhti hui zarayi sar garmion aur falahi mansooboun aur taraqiyat ko hazam nahi kar panay ka ilzaam lagaya.
Riyasat mein TRS ki rukniat saazi muhim ki kamyabi par munaqidah eke programme ke douran khitaab karte hue KTR ney kaha ke congress qaideen awam ki Falah wo behbood aur taraqiyati wo falahi mansooboun ko hazam nahi kar pa rahay hain.
KTR ney kaha ke greater hyderabad mein pani ki qillat ko kam karne ka sehra wazeer-e-aala KCR ke sir jata hai. KTR ney kaha ke ”apni daur andeshi se wazeer-e-aala ney bohat se over head tanks ki taamer karke awam ko pani faraham kiya.
Unhon ney mazeed kaha ke Nizampet aur qutub ullah pur mein do hafton mein ek baar ke bajaye ab do din mein ek baar ba-qaida peenay ka pani faraham kiya ja raha hai.
KTR ney kaha ke KCR zaraat ke liye 24 ghantay bijli faraham kar rahay hain, aur aab paashi projects ko taiz raftaar se takmeel kar rahe hai. KTR ney bataya ke 50 laakh se zayed afraad ko wazifay dainay wali riyasat Telangana wahid riyasat hai. aur reyasti hukoomat falahi schemes par ek saal mein 12,000 crore rupay kharch kar rahi hai, is mein markazi hukoomat sirf 200 crore rupay ki madad kar rahi hai.
TRS rehnuma ney mazeed kaha ke ”ham congress ke daur-e-hukoomat mein paish anay walay curfew ki sorat-e-haal ke khilaaf sakhti se aman wo Amaan Barqarar rakhay hue hain.
Unhon ney kaha ke congress, intikhabaat mein awam ki janib se mustard kiye janey ke bawajood mustaqil tor par jhutey ilzamaat aa-ed karti rahi hai. –YTN STAFF