New Delhi : Sabiq sadar jamhooria pranab mukharjee, sabiq naib sadar jamhooria Hamid ansari, sabiq wazeer-e-aazam Manmohan Singh aur congress ki uboori sadar Sonia gandhi ne jumaraat ke roz sabiq wazeer-e-aazam Indra gandhi ki 35 barsi par inhen kharaaj pesh kiya , aur gulhaye aqeedat pesh kiya.
Is mauqa par congress party ne apne Twitter handle par ek post mein kaha ”aaj hum hindustan ki pehli khatoon wazeer-e-aazam Indra gandhi ki qurbani ka ehteram karte hain, bator wazeer-e-aazam Indra Gandhi ne mulk ki qaumi salamti, maeeshat, jamhoriat aur kharja policy mein be-panah taawun kiya. woh sabhi hindustaniyon se piya ray ke liye hamesha yaad ki jayengi.
Sabiq wazeer-e-aazam wo apni dadi ko kharaaj pesh karte hue congress ke sabiq sadar Rahul gandhi ne tweet karte hue kaha ke ”meri dadi aur sabiq Indra Gandhi jee ko unki shahadat ki barsi per kharaj pesh kiya gaya“. Indra Gandhi ke hamrah khidmaat anjaam dene walay sabiq saddar jamhooria pranab mukharjee ne tweet karkay inhen kharaaj pesh kiya.
Wazeh hoke Iron Lady ke naam se mashhoor congress party ki rehnuma wo sabiq wazeer-e-aazam Indra Gandhi ko 31 october 1984 ko unki rehaish gaah par unke body guard ne qatal kar diya tha. –YTN STAFF