New Dehli: Congress ney BJP par bada hamla karte hue party qiyadat par sangeen ilzaam lagaya hai. kaha hai ke 4 Feb 2017ko Congress ney B.S Yedurappa aur Anjhani Anant Kumar ka ek video jari kiya tha. jis mein 1800 Crore se ziyada ki rishwat BJP qiyadat ko dene ki baat samnay aayi thi .
Congress ke tarjuman Randeep Surjewala ney kaha ke congress ney 12 feb 2017 ke video ko 14 feb 2017 ko jari kiya tha. unhoun ney press conference mein kaha ke ab woh diary samnay aayi hai jis se paanch haqayiq samnay atay hain. pehla yeh ke kul 2690 crore rupaye wusool kiye gay. jis mein se 1800 so crore rupay BJP qiyadat ko pohanchaya gaya .
May 2008 se jo layi 2011 ke beech Yedurappa karnataka ke wazeer-e-aala they.ek hazaar crore rupaye BJP ki markazi committee ko diye gay.Narendra Modi , Arun Jaitley, Rajnath Singh, Nitin Gadkar , se leker kayi leadron ke is diary mein naam hain. is ke alawa 250 crore rupiye Judges ko bhi diye gay hain. diary mein yedurappa ke dastakhat bhi hain .
Randeep Surjewala ney mazeed kaha ke seedhi si baat hai ke Narendra modi se leker BJP qiyadat par 1800 crore rupay ki rishwat ke ilzaam hain. yeh woh log hain, jo mulk ke sab se badey ohdoun par Faiz hain. jin ke haath mein wizarat-e-difaa, wizarat-e-kharja, aur PMO mulk ki hukoomat hai