New Delhi: AIMIM ke sarbarah wo rukan-e-parliment Asaduddin Owaisi ne mangal ko ”lok mat national conclave may kaha ”Maharashtra mein mere aur imtiaz jaleel ke khilaaf ek muhim chalaye gayi thi. Raye dahindgaan se kaha gaya ke woh BJP aur Shiv sena ke sath mil kar congress aur NCP ko bhi shikast dainay ke liye vote den. ”is douran unhoun ne ye bhi kaha ke intikhabaat ke baad Congress ne Shiv sena ke sath nikah kar liya aur Sharad Pawar ne Uddhav Thackeray ke sath mil kar valima karliya.
Owaisi ne shehriat tarmeemi bill se mutaliq kaha ke ”chahe ye bill parliment se Manzoor ho jaye, lekin woh samaat ke liye mulk ke tamam darwazay khatkhatayinge aur awam ke samnay apna nazriya Bar-qarar rakhenge. Owaisi ne kaha ke, hukoomat shehriat tarmimi bill ke zariye Pakistan ke baani Mohammad Ali jinnah ke nazriaat ko zindah kar rahi hai.
Ek sawal ke jawab mein Owaisi ne kaha ke ”musalmanoun ko villain ki haesiyat se dekha ja raha hai. unhon ne kaha ”agar mein modi ke sath jata hon to aap mujhe Rajnikant banayenge aur agar mein congress ke sath jata hon to aap mujhe Amitabh bachchan banayenge, mujhe is siyasi manzar naame par villain ka kirdaar ada karne par khushi hai “.
Owaisi ne mazeed kahah ke ”mujhe heera ban’nay ki koyi khwahish nahi hai, congress aur NCP par hamla karte hue unhon ne kaha ke Shiv sena ke khilaaf election ladne ke bawajood dono jamaaton ne siyasi faiday ke liye is bhagwa jamaat ke sath haath milaya hai. –YTN STAFF