Hyderabad : Telangana ke Senior Congress leader Mohammad Ali Shabbir nay Gandhi Bhavan mein media numaindoun se baat karte hue Congress party ke leaders jo party chodh kar TRS mein shaamil ho rahay hain, uss talluq se bataya. aur Gandhi Bhavan kyun khaali ho raha hai is ki wajah batayi. Mohammad Ali Shabir nay kaha ke in dinoun pooray mulk ke halaat alag hain, aur riyasat-e-Telangana ke halat alag hain .
Unhoun nay kaha ke yahan par chief minster KCR sahab yeh halaf letay hain ke mein is mulk ke qanoon ka tahaffuz karonga. magar afsos ke woh khud hi keh rahay hain ke mein congress party chode kar TRS mein shaamil honay waloun ka khair maqdam karta hon.aur may un ko party ke ohdoun se aur doulat se nawazonga .
Mohammad Ali Shabbir nay kaha ke’ ‘ mein nahi samjhta ke mulk ka koi bhi chief minister is tarha direct kahega ke mein defection law ki parwah nahi karta. aur party mein anay walon ko khush aamdeed kehta hon. lalach diya ja raha hai, is liye hamaray log ja rahay hain. Ek se pocho ke tum kyun ja rahay ho. .? to bolay ke mera 25 crore ka bil aana hai KCR bole party mein nahi aaye to nahi dunga. dosray nay kaha ke mere ek so bees crore ke bil rokk ke rakhay party mein shaamil nahi hue to nahi dunga. is tarha mukhtalif MLAs ko pehlay to lalach day rahay hain ya dhamkian day kar khareedne ki koshish kar rahay hain .
Mohammad Ali Shabbir nay mazeed kaha ke’ ‘ mein congress se bhagnay walay un Bhagodoun se puchta hon ke un do teen mahino mein hi congress ki policia tum ko kyun buray lagnay lagey? un teen mahino mein hi tum ko aisa kyu laga ke congress nay kuch bhi nahi kya.? mujhe batao ke KCR nay paanch saloun mein kya kiya hai. ..? koyi nai taraqqi nahi hui, nah koyi nai University bani aur na hi koyi naya hospital bana. musalmanoun ko 12 feesad tahaffuzaat nahi diye gay, teen Talaq ke maamla mein Modi ke god mein baithy rahay. magar kuch qaideen lalach mein aakar wohi raag alap rahay hain .
Mohammad Ali Shabbir nay kaha ke KCR ki janib se MLAs ko yeh lalach diya ja raha hai ke tum party mein aaye to 200 crore ka Development dunga aur naqad paise bhi dunga warna paise nahi dunga. aur na hi sarkari Schemes se istifada karne dunga. mein KCR se puchta honke kya congress aur deegar partiyon ko awam nay jataayaa hai, unse aap paise na dainay ki baat keh rahay hain? kya woh riyasat-e-Telangana ke awam nahi hain. .? yeh to dictatorship hai. aur deomocrarcy ki touheen hai. kya kisi jamhoori mulk mein aisa hota hai. balkay awam ke liye jo hukoomat ki schemes hoti hain woh un ko milna chahiye .
MLC intikhab se mutaliq sawal par unhoun nay kaha ke’ ‘ aap 26 tareekh ko dekhenge ke MLC ke liye congress umeed waar jevan redy bhaari aksariyat se kamyaab honge. is se maloom hoga ke padhay likhay wo Graduate tabqa ke vote kis simt ja rahay hain. 70 feesad vote jeevan reddy ko milenge, baqi 30 feesad vote deegar umeedwaroun mein taqseem honge. is se yeh pata chalay ga ke padhay likhay logon ka vote congress ke haq mein hai. aur jo dara dhamka kar aur lalach day kar vote khareeday gay hain woh KCR ke haq mein gay hain .
Mohammad Ali Shabbir naay KCR par tanqeed karte hue kaha ke 2014 mein pehli bar KCR riyasat ke chief minister banay. aur markaz mein Narendra Modi wazeer-e-azam banay. Narendra Modi ‘ Neeti Aayog’ laaye. sab se pehlay KCR nay Neeti aayog ki taied ki. jabkay rajsthan ke BJP ke chief minister’ ‘ vasant raye’ ‘ naay neeti aayog ki mukhalifat ki, magar KCR Modi ka sath diye. phir note bandi aayi, Telangana ke Chief Minister nay sath diya. GST aayi, Telangana ke chief minister nay sath diya. Triple Talaq ka bill laya gaya, parliment se bhag gay .
Algaraz Narendra Modi ke har faisla ki KCR nay taied ki. is liye hum keh rahay hain ke TRS Narendra Modi ki B-team hai. aur yeh koyi chhupi hui baat nahi hai. yeh awam ko maloom hai. is liye badnami –apne sir atay dekh kar ab woh BJP ko gaaliyan day rahay hain. aur wahan Jaker unke paon pad rahay hain .