Tiruchirappalli: Congress ke rukan parliman H Vasantkumar ke inteqaal par Indian Union Muslim League ke qaumi sadar Professor Qader Mohiuddin ney taaziyat ka izhaar karte huve kaha hai ke un ki mout ki khabar sun kar inhen bohat dukh huwa hai. Kamari Anandan ke chhootey bhai Kanyakumari parlimani halqay ke rukan H Vasantkumar Tamil Nado congress committee ke ek sarkardah rehnuma they aur wo hamesha awam ki khidmat ko muqaddam rakhtay they.
Congress ke Rukan parliman H Vasantkumar wo congress ke usoolon par aakhri dam taq qaim rahay aur tamam baradrion khusoosan aqliton ke sath un ke nihayat hi dostana taluqaat thay. Vasantkumar Kanyakumari halqay se do martaba rukan Assembly muntakhib hue thay aur ab isi halqay se membar parliman thay. Tamil Nado ki sab se badi tijarti company Vasant and Go ke maalik thay aur unhoun nay apni zindagi mein kamzor aur ghareebon ki bohat saari madad ki thi. Un ka inteqaal Tamil Nado ke awam ke liye ek na qabil talaafi nuqsan hai. Indian Union Muslim League ke qaumi sadar Professor Qadir Mohiuddin nay apne pegham mein un ke ahal khanah aur congress party se gehray ranj-o-gham ka izhaar kiya hai.