New Delhi : Haryana mein aindah munaqqid honay walay assembly intikhabaat se qabal, congress ne chaharshambe ko sabiq markazi wazeer kumari selja ko Haryana congress ka sarbarah banaya gaya hai. sabiq wazeer-e-aala Bhupendar singh Hooda ko congress legislature party ka rehnuma aur intikhabi committee ka Chariman muqarrar kiya hai.
Wazeh hoke Kumari Shelja Gandhi khandan ki bohat hi qareebi maani jati hain, aur Sonia gandhi ke qareebi leadron mein unki ginti hoti hai.
Sabiq markazi wazeer wo Haryana congress ke incharge Ghulam Nabi Azad, aur party ke general secretary, organization, K.C Venugopal ne yeh elanat kiye. media numaindon se mukhatib hokar Ghulam Nabi Azad ne kaha ke ”Congress ki sarbarah Sonia gandhi ne Kumari Shelja ko Haryana congress ki chief ki haesiyat se taqarruri ki manzoori dedi hai. isi tarhan Hooda ko CLP ka qaied aur opposition leader aur intekhabi committee ka chairman banaya gaya hai.
Riyasat Haryana mein is saal ke aakhir mein assembly intikhabaat munaqqid honay walay hain. Bhupinder Singh Hooda se mutaliq congress aala kamaan ke is faisla ko Bhupinder Singh Hooda ki narazgi aur riyasat ke party rehnumao ke darmiyan honay wali ladai ko door karne ki koshish ke tor par dekha ja raha hai. –YTN STAFF