Arunachal pradesh : Lok sabha intikhabaat ke liye wazeer-e-aazam Narendra Modi BJP ki kamyabi ke liye kayi Rallies mein hissa le rahay hain. Chaharshambe ko Arunachal pradesh mein ek rally se khitaab karte hue congress party par jam kar tanqeed ki. aur congress party ki janib se jari kiye intikhabi manshoor ko jhoot ka dastaweez qarar dete hue wazeer-e-aazam Narendra Modi nay congress par 60 saloun mein mashriq wasti mein logon ki umedoun ko poora karne mein nakaam saabit honay ka ilzaam lagaya .
Modi nay kaha ke ek khandan naay 55 saal ta mulk par hukmarani ki hai. lekin woh daawa nahi kar satke ke unhoun naay Arunachal pradesh aur deegar shumal mashriqi riyaston ke liye kiya kiya hai. magar mein ek aisa shakhs hon jo challengoun ko qubool- karne tayar hu. mein yeh daawa nahi kar sakta ke paanch saloon may mein nay woh sab kiya hai jo karne ki zaroorat thi, lekin yeh chowkidaar taraqqi ko yakeeni bananay ke liye baghair ruke kaam kar raha hai. Modi nay kaha congress nay intikhabi manshoor jari kiya hai, jo jhoot se bhara hai .
Modi nay misaal dete hue kaha kay 2004 mein congress ke manshoor mein 2009 tak mulk ke sabhi gharon mein bijli dainay ka wada kiya gaya tha. lekin unhoun nay 2009 mein phir wohi wada daoraya. phir 2014 mein unhoun nay kaha ke shehri ilaaqon mein 100 feesad aur dehi ilaaqon mein 90 feesad khandano ko bijli ka connection diya jaye ga. lekin 2014 mein jab hamari hukoomat aayi tab bhi 18000 gaon ko bijli se joda jana baqi tha. lekin BJP hukoomat nay 1000 dinon ke andar sabhi 18000 gaon ko bijli se joda .
Modi nay kaha ke BJP mukhtalif communities ki Saqafat , rivayet aur tareekh ki hifazat ke liye hai. aur yeh chowkidaar awam ki umedon ko poora karne ke liye hamesha tayyar hai. aap naay 60 sala congress ka daur Iqtidaar dekha aur hamari 60 mahino ki hukoomat bhi dekhi. kya unke doura-e-Iqtidaar mein koyi wazeer-e-aazam yahan aaya. .? jabkay mein pichlle paanch saloon ke douran 30 baar Arunchal pradesh aur mashriq wasti mein aaya hon .
Narendra Modi naay kaha ke chowkidaar hamesha jaagta rehta hai. aur chala kar logon ko jagaata hai. isi tarha yeh chowkidaar aap ko congress ke jhutay leadron aur is ke jhutay wadon ke khilaaf jaganay aaya hai .wazeh ho ke do lok sabha nishistoun aur Arunachal pradesh mein 60 assembly nishistoun ke liye 11th April ko intikhabaat honge .- YTN STAFF