Lacknow: Congress party, Shehriat Tarmeemi Act ( CAA ) ke khilaaf ehtijaj mein hissa lainay par qanooni charah joi ka saamna karne walay lugun ko qanooni madad faraham keregi. Party ke zaraye ne ye baat batayi.
Zaraye ke mutabiq, Congress ki General Secretary Priyanka Gandhi ne party se wabsta wukla se is muamlay par ek Meeting ki hai. Meeting mein Priyanka Gandhi ne wukla se kaha ke party par aman ehtijaj mein giraftar honay waloun ko qanooni madad faraham keregi aur party mutasireen ke sath khadi hai.
Congress ki general secretary Uttar Pradesh ke dar-ul-hukoomat mein CAA ki mukhalifat ki himayat mein sargaram hain, Aur ehtijaj ke douran giraftar afraad ke ahal khanah se mulaqaat ki. Priyanka Gandhi ne ek scooty chillatay hue mutasirah afraad ke ahal khanah ke ghar poanch gayeen. Priyanka Gandhi ne ilzaam lagaya ke unke ehtijaj ko roknay ke liye muqami police ne unke sath bad sulooki ki. Taham, Police ne is ilzaam ko mustard kar diya.
Wazeh ho ke mulk bhar shehriat tarmeemi qanoon ko lekar par zor ehtijaj kiya jaraha hai, Aur muzahiray kiye ja rahay hain. CAA aur NRC ke talluq Congress ki general secretary Priyanka Gandhi, Wazeer aazam Narendra Modi hukoomat ko sakht alfaaz mein tanqid ka nishana bana rahi hain.
Riyasat Uttar Pradesh mein un dinoun siyasat garam hai, Jahan Congress party ne CAA ke muamlay par markazi hukoomat ki mukhalifat ki hai. –YTN STAFF