Hyderabad: TRS ne cyberabad police mein shikayat darj karai hai ke chief minister KCR ki video aur tasaveer ko bigaadney walon ke khilaaf karwai ki jaye jo kay social media par gardish karli hain.
Shikayat mein yeh bhi mutalba kiya gaya hai ke jo afraad is karwai ke asal zimmadaar hain unke khilaaf sakht karwai ho.
Shikayat mein kaha gaya hai do hafton se ziyada ke baad kuch na-maloom afraad jo opposition jamaaton ki hidaayat par amal pera hain, social media par maskh shuda tasaveer aur jaali videos gardish karne par tuley hue hain. yeh chief minister KCR ko badnaam karne ke iraday se banaye gaye hain, shikayat mein mazeed kaha gaya hai ke GHMC intikhabaat mein intikhabi fawaid ke liye KCR ki tasaveer aur videos ke sath chedh chadh ki gayi hai.
TRS ke general secretary ne shikayat darj karwai aur tasaveer aur videos cyberabad police ko paish ki.
wazeer-e-khazana Harish Rao ne voters se appeal ki hai ke woh intikhabaat se ain qabal BJP ke zareya jhutay propaganda se chokanna rahen aur social media ko jaali media mein tabdeel karne par tanqeed ki.
Ek press conference karte hue unhon ne kaha ke party ke taaluq se ghalat khabrain dainay ki koshish ki jarahi hain ke TRS ke kuch rehnuma BJP mein shaamil honay jarahay hain. Unhon ne kaha ke BJP ne Dubbak intikhabaat se qabal bhi aisi koshishen ki theen.