Jaipur : Shadeed barish ke baad saelaab ki wajah se yahan ke Rawatbhata sub block mein 2 din se apne school mein phansay hue 350 talba mein se 300 ke qareeb talba ko peer ke roz hifazat ke sath nikaal liya gaya aur inhen gharoun ko bhej diya gaya.
Rana pratap sagar dam se pani chodhey jane ke baad hafta ko taqreeban 350 talba ko unke school mein daakhil karaya gaya tha. lehaza talba ko do raat apne school ke andar rehna pada. reyasti intizami machinery saelaab ke baad harkat mein aayi aur mutaliqa hukkam ko hidaayat ki ke woh khanay, pani, dawai, doctoroun aur deegar zurori cheezon ke intizamaa karen.
Chittorgarh ke additional collector mukesh kumar kalaal ne kaha ke ”ab jab pani kam ho chuka hai, hum bachon ko bahar nikaal liya hai aur unko ghar per chodhne ka intizam kar rahay hain. unhon ne kaha ke 50 ke qareeb talba abhi bhi school ke andar mojood hain. –YTN STAFF