Beijing: China mein Coronavirus ke 21 naye mamlaat aur 4 nai amwaat Report huvi hain. China ke National Health Commission ke mutabiq naye mamlaat mein se mutadid aisay mamlaat hain jin ki tasdeeq beroun mulk se anay waloun mein huvi hai. Commission ke mutabiq mulk mein Coronavirus ke mamlaat ki tadaad 81 hazaar 620 hogayi hai jis mein se saadhay 76 hazaar afraad sahet yab bhi hogaye hain, Jabkay China mein Corona se 3322 amwaat huvi hain.
Darin asna aalmi idaara sahet ne Coronavirus ke baais marnay waloun ki tadfeen ke liye Guidelines jari kar den. Aalmi idaara sahet ne kaha hai ke Coronavirus se halaak afraad ki tadfeen mein ahthyat intahi zurori hai. Khandan ke afraad aur dost ek Meter ke faaslay se janazay ko dekh satke hain lekin laash ko haath nahi laga satke nah hi choom satke hain.
Janaza dekhnay ke baad bhi apne hathoun ko achi terhan sabun se dhowen. Aalmi idaara sahet ki jari ki gayi hidayat ke mutabiq is baat ko yakeeni banayen ke khandan ke afraad har mumkin had tak maiyat se daur rahen, Bachay aur 60 saal ki omar ke afraad ko tadfeen mein shirkat nahi karni chahiye. –YTN STAFF