Vanambadi se Dehli Padyatra jarahay tamilnadu congress committee aqliati shoba ke chairman aslam basha girftar aur riha
Vanambadi. : Tamilnadu congress committee aqliati shoba ke reyasti saddar Dr J. Aslam Basha ne China ki sarhad par hindustani foujiyoun ki shahadat par Wazeer-e-Azam Narendra Modi ki khamoshi ki mazammat karte hue yahan Vanambadi shehar ke Bus stand se 74 party workers ke sath Delhi PMO daftar ka gherao karne ke liye Padhyatra jaanay ke douran police ne unhein rok kar giraftar karliya.
Qabal azeen Dr J. aslam basha ne akhbaari numaindon se baat karte hue kaha ke hindustani sarhad par cheeni fouj ki jarhiyat aur 20 hindustani foujiyoun ki shahadat par Wazeer-e-Azam Modi ki khamoshi qabil-e-mazammat hai.
Tamilnadu congress committee aqliati shoba ke reyasti chairman Dr J.Aslam bashas ne shaheed hindustani foujiyoun ko kharaaj-e-aqeedat paish karte hue kaha ke sarhad par China ki jarhiyat ki wajah se na sirf 20 foujiyoun ki shahadat hui hai balkay 45 hindustani foujiyoun ko cheeni fouj ne yarghamal banakar inhen azayetain di hain.
Taqreeban 135 hindustani fouji zakhmi hue hain aur China ne taqreeban 60 murabba kilometer ladakh ke ilaqay par qabza kiya hai lekin mulk ke Wazeer-e-Azam Modi abhi bhi China ki jarhiyat par khamosh hain. Wazeer-e-Azam Modi ko mulk ke awam ke samnay sach batana chahiye jo hindustani jawano ki shahadat par gham wo gussa mein mubtala hain.
Aslam Basha ke hamrah Dehli padhyatra jaaney ke liye vellore west district youth congress president Faisal ameen, vanambadi assembly youth congress general secretary Sheikh aslam, vanambadi kisaan town president kawi arsan , vanambadi town congress committee general secretary Mohammad basha moujood rahay. is mauqa per jama hue sainkdon congress karkunaan aur youth congress membraan ne China ke khilaaf jam kar naaray baazi ki. –YTN STAFF