Hyderabad. Meerpet Police Station ke hudood mein Gayitiri Nagar ka saakin Police Constable Upender ney jummay ko apne makaan mein khudkushi karli. Woh Chief Minister Camp Office par Constable ke taur par faraiz anjaam dae raha tha. Mutawafi ney jaraseem kush dawa pi kar khudkashi karli. Qabal azeen woh Santosh Nagar Police Station mein Constable ki hesiyat se faraiz anjaam dae raha tha. Chunkay woh apni Duty ko baqaidagi se anjaam nahi day parha tha is liye is ko haal hi mein Chief Minister ke Camp Office par taiynaat kiya gaya tha. Woh wahan rujoo ba kaar hogaya magar wahan par bhi duty se ghair haazir rehne laga tha. Police ohdedaron ka kehna hai ke woh khandani masayel mein uljha huwa tha iss liye duty pabandi se anjaam nahi dae parha tha. Khudkushi ki ittela par muqami Police, fauri wahan pohanchi aur laash ko postmortem ke liye dawakhana Osmania muntaqil kardiya.