New Delhi : CBI ki adalat ne peer ko sabiq wazeer-e-khazana aur congress ke senior rehnuma P.Chidambaram ki INX media case mein CBI ki tehweel mein 30 August tak towsee kardi.
Central bureau of investigation ( CBI ) ke judge Ajay kumar Kuhar ne CBI aur Chidambaram ke wakeel ki daleelen sunney ke baad apne hukum ka elaan kiya.
CBI ki janib se appeal karte hue Solicitor General Tushar Mehta ne tehweel kee paanch dinon ki towsee karne ki maang ki. jabkay Chidambaram ki janib se paish hotay hue, senior advocate Kapil sibal ne CBI tehweel mein towsee ki darkhwast ki mukhalifat karte hue kaha ke sabiq markazi wazeer par aed ilzamaat ko saabit karne ke liye abhi tak koi dastaweez nahi dikhayi gayi hai.
Wazeh rahay ke guzashta jumeraat ko Chidambaram ki giraftari ke baad 26August tak CBI ki tehweel mein bhaij diya gaya tha. –YTN STAFF