Hyderabad: Kisi zamane mein Mulk ki tahazeeb aur shehron ki tarz zindagi maloom karna kisi qader mushkil tha lekin aaj ke is Asri daur mein Online Orders ney yeh mushkil bhi aasaan kar di hai kyunkay aaj Hyderabad, Delhi, Bangalore, Mumbai, Kolkata, Chennai, Jaipur, Pune, Bhopal, Dehradun, Lucknow, Nisak, Guwahati, Vishakhapatnam, Aurangabad aur Hindustan ke taqreeban har baday shehar mein yomiya zindagi ke kayi aik umoor ki takmeel Online Order ke zariya horahee hai jis se andaza ho raha hai ke kisi shehar ke log kisi cheez mein ziyada dilchaspi letay hain.
Isi tanazur mein Uber Eat ney Hindustan ke kayi aik ahem shehron mein ghizai ashiyayi apne Online Orders ki tafseelaat ka tajziyati mutalea karte huwe jo nataij faraham kiye hain is se Mulk ke mukhtalif aur ahem shehron ke awam ki tarz zindagi aur un ki pasand ka andaza lagana aasaan hochuka hai. Online Orders mein nawabon ke shehar Hyderabad ka tazkara karen to Hyderabadiyon ki Online pheli pasand bhi Biryani hi is ke ilawa Hindustan bhar mein Hyderabad aisa shehar fehrist shehar hai jahan masala daar khaano ki sab se ziyada maang hai jabkay Hyderabadi awam meethay ke bhi baday shoqeen hai aur un ki pheli pasand sokhey meway jaat se tayyar kiye janey walay meethay hain.
Uber Eats ney rawan saal January taa May 2019 tak Hindustan bhar ke ahem shehron se anay walay orders ka mawaad jama kiya aur is mein khaano ke orders se fehrist tayyar ki hai aur is fehrist mein saaray Hindustan ki baat ki jaye to sab se ziyada ”ziyadah Pyaaz “ ko phela maqam haasil huwa hai jis ke baad masalay daar khanay aur ziyada pyaaz ka maqam hai. Ziyada pyaaz khanay walon mein bhi Hyderabadi, Bangalore aur Vishakhapatnam ke awam sab se agay hain. Masalay daar khanay walon mein Aurangabad aur Surat ke awam agay hain. Chicken Biryani ka sab se ziyada order hyderabad, Chennai aur Kolkata se aata hai, Nasik walay icecream ziyada khatay hain jabkay Bangalore ki awam Burger ko sab se pehlay tarjeeh dete hain.