Raipur : Chhattisgarh ke sabiq wazeer-e-aala Ajit Jogi ke betay amit jogi ko mangal ke roz police ney unki jaye paidaiesh se mutaliq intikhabi halaf nama mein ghalat maloomat dainay ke ilzaam mein girftar kiya. Amit jogi ko Bilaspur mein waqay unki rahaish gaah se girftar kiya.
Bilaspur ray mein Superintendent of police ( dehi ) Sanjay Kumar Dhruv ney media ko bataya ke Amit Jogi ko adalat mein paish kiya jayega aur adalat ke hukum ke mutabiq karwai ki jaye gi.
Rawan saal feb mein Marwahi ke sabiq rukan-e-assembly Amit Jogi ke khilaaf IPC ki dafaa 420 ke tehat ek muqadma police station mein darj kiya gaya tha. Marwahi halqa se BJP ki umeed waar Sameera Paikra ki shikayat ke baad yeh giraftari ki gayi hai. unhon ney ilzaam lagaya ke 2013 mein honay walay reyasti intikhabaat ke liye kaghzat namzadgi daakhil karte waqt Amit Jogi ney apne halaf nama mein apni paidaiesh ki jagah ke baarey mein ghalat maloomat di thi.
Ajit Jogi aur unkay betay Amit Jogi janata congress Chhattisgarh chalatay hain, jo pichlle saal reyasti assembly intikhabaat mein ziyada kamyabi haasil nahi kar saki thi. –YTN STAFF