Dubai: Chennai Super Kings ki team ab Indian Premier league ( IPL ) ke 13 wi season se bazabta tor par baher hogayi hai. Etwarko Mumbai Indians ke khilaaf Rajasthan Royals ki 8 wickets se fatah ki wajah se Chennai ka Playoff khailnay ka rasta mukammal tor par band hogaya. Itwaar ko khailay gaye pehlay match mein Chennai ne Royal Challengers Bangalore ko shikast day kar wazeh kardiya tha ke woh ab IPL ke Playoff mein dakhlay ki khawahish mand doosri teams ka khail kharab kar saktay hain.
Chennai ki team ne 12 match khail kar 4 match jeetay hain aur Tournament mein sirf do match baqi hain. Ek muqaabla Kolkata Kinght Riders ke khilaaf aur dosra Kings XI Punjab ke khilaaf khelna hai. Yeh dono teams Playoff ki daud mein hain aur har match un ke liye karu ya maro soorat haal ka hai. Agar Chennai ne un dono Teams ku shikast day di to yakeeni tor par un ke masawaat mazeed baggad jayen ge.
Kolkata 11 matches mein 6 jeet ke baad 12 nishanaat ke sath chouthay number par hai. 11 Matches mein 5 jeet ke baad Punjab ke 10 points hain. Mumbai ke khilaaf etwaarki kamyabi ke baad Rajasthan 12 muqablon mein 5 fatohat se 10 points tak ja pouncha hai. Hyderabad ki team ke 4 fatohat se 8 nishanaat hain. Chennai ke 8 nishanaat hain aur aglay 2 match jeetnay ke baad un ke paas 12 nishanaat ho saktay hain jo kisi terhan chothi maqam ki team se kam hon ge.