Riyadh: Saudi Arab ke Jizan ilaqay ki Ardah commissioneri mein Saudi shehri difaa ke ohdedaron ne chattaan girnay se la patah 4 Saudi nojawanon ki lashain nikaal len. Gaadi par chattaan girnay ki wajah se haadsa pesh aaya. Media ke mutabiq jaye waqooa lashain nikaalne ka manzar dil dhula dainay wala tha. Shehri difaa ke ohdedaron ke sath muqami nojawan aur muqeem ghair mulki bhi madad ke liye puhanche hue they. Charon nojawan guzashta haftay Al Ardah pahadi ilaqay mein sair ke liye niklay they jis ke baad wo la patah hogaye they. Mukhtalif idaray un ki talaash mein they.
2 nojawanon ke chacha Majed Jaber Al Jazmi neh Saudi media ko bataya ke jaye waqooa se mut-tasil ilaqay aur qareeb ki waadiyon mein inhen talaash karte rahay. Dawakhanon aur aisay tamam maqamat ka bhi jaiza liya gaya tha jahan jahan un ke milnay ki tawaqqa ki ja sakti thi. Majed neh kaha ke apne doston ke hamrah Ardah pahadi ilaqay mein sair ke liye niklay they.
Majid neh mazeed kaha ke ghar walay nojawanon kyun wapasi mein takheer par tashweesh mein mubtala hogaye. Mobile par raabtey ki koshish ki gayi to band paye gaye. Hum loog un ki talaash mein is jagah puhanche jahan se wo la patah hue thay. 4 nojawanon mein se 2 ki gadiyaan mil gayeen baqi ki gadiyaan bhi nazar nahi ayen.
Ghar walon neh aas paas ke ilaqon aur waaadiyon mein inhen baar baar talaash kiya. Har ek se un ki baabat daryaft kiya aur phir police mein report darj karwai. Majid neh mazeed kaha ke baaz shehrion neh ittila di ke inhen Ardah ke kohistani ilaqay ki ek waadi mein chatanoo ke darmain ek tooti phooty gaadi nazar aa rahi hai aur khofnaak tareeqay se haadsay se dochar lagti hai. Pata chala ke ye wahi gaadi hai jis par charon nojawan sawaar they aur ye tafreeh gaah se 3 kilo meter ke faaslay par padi nazar aayi. Is haadsay ki ittila se poora ilaqa sogwaar hai.