Hyderabad: City Police ne mangal ke roz Charlapally jail mein Security sakht kar di hai. Jahan Shadnagar ilaqa mein ek khatoon Vaterinary Dr ke ijtimai Ismatdari aur qatal karne walay charoun mulzimon ku rakha gaya hai. Izafi police ehalkaroun ko tainaat kiya gaya hai. Aur kisi bhi ehtijaj ko roknay ke liye jail ke ihata ke qareeb 5 se ziyada afraad ke jama honay par pabandi aed karne ke hekamat jari kiye gaye hain.
Ye iqdaam, Jail ke qareeb 5 afraad ke banners liye, khatoon Dr ke sath kiye gaye ghenaone jurm ke murtakib afraad ko sazae mout dainay ka mutalba karte hue ehtijaj ke ek din baad uthaya gaya.
Ek police afsar ne bataya ke wo 30 November ko Shadnagar police station mein pesh anay walay waqeat ke pesh-e-nazar chance nahi lena chahtay they. Hyderabad se takreeban 50 Kelo Meter daur police station ke bahar muzahireen se nimatnay ke liye inhen sakht mushkilaat ka saamna karna pada, Jo mulzimaan ko fori tor par phansi dainay ka mutalba kar rahay they.
Baad azan, Mulzimaan ke tibbi muanay ke liye Doctors ko police station talabb kiya gaya aur jab muzahireen ki tadaad mein izafah huwa to Magistrate ko mudakhlat karna pada, Taakay mulzmin ko adalti tehweel mein bhaij diya ja sakay. Taham police ko laathi charge aur Security ke wasee anttezamat karna pada, Taakay mulzmien ko police station se Charlapally jail muntakil kiya ja sakay.
Charoun mulzimoun, Mohammad Ali urf Arif, J Naveen , J shiva aur Chennakeshavulu ko alehda aur aala Security ke chambers mein rakha gaya hai. pichlle 3 din ke douran kisi bhi mulzim ko phone nahi aaya. Jail ke ohdedar tamam tar ahteyati tadabeer ikhtiyar kar rahay hain taakay ye yakeeni banaya ja sakay ke mulzamen ko aisi kisi bhi cheez tak rasai haasil na ho, Jis se inhai khud kashi karne mein madad miley.
Wazeh ho ke, Hyderabad ke muzafaat mein Shamshabad mein Outer ring road par tool gate ke qareeb 27 November ko truck drivers aur Cleaners ne ek 26 sala khatoon Vaterinary Dr ke sath ijtimai Ismatdari ki thi aur is ka qatal kardiya tha. Police ke mutabiq, Jab wo mutasirah ladki sham 9 bajey ke qareeb tool gate par puhanchi to is ki scooty ka Tyre nuqsaan puhancha kar is ladki ko phansa liya, Aur is ke sath zayad-ti ki gayi. Is ke baad is ladki ki laash ko Shadnagar ke qareeb lejaa kar aag laga di gayi.
Mazkorha waqea se mulk bhar ke awam mein gham-o-gussa paaya jata hai. Hyderabad, Telangana ke deegar ilaaqoun mean mujrimon ko fori tor par sazae mout dainay ka mutalba kiya ja raha hai. –YTN STAFF