Hyderabad : Har Hindustani ko in dinoun fakhr mehsoos ho raha hai ke hamaray watan Aziz ne khalayi duniya mein ek shandaar kaarnaama anjam diya hai aur woh yeh karnaama anjam dainay wala duniya ka choutha mulk hai kyunkay is se qabal khalayi muhim mein kamyabi haasil karne walay mumalik mein America , Russia aur China ka naam darj tha lekin rawan hafta Chandrayan 2 ki khala may kamyaab parwaaz ne har hindustani ka sir fakhr se ooncha kardiya hai lekin Chandrayan 2 ka mashwara sabiq sadar jamhooria hind aur missile man APJ Abdul Kalam ne diya tha.
Sabiq saddar jamhooria Hind Dr APJ Abdul Kalam jo Aero science daan they unhoun ne 10 saal qabal Chandrayan 2 ka mashwar ISRO ko diya tha. 2008 mein Chandrayan 1 ne chaand ki satah par pani ki moujoodgi ka pata lagaya tha. is ki tasdeeq Amrici khalayi idaara Nasa ne bhi ki thi.
Dr kalaam ne Mumbai mein ek seminar se khitaab karte hue kaha tha ke ISRO aur NASA ko chahiye ke woh Chandrayan 2 mission lagaye taakay chaand par pani ke salamoun ki mojoodgi ke baare mein tajzia kiya jaske. unhoun ne America ke California institute of technology America ke dora ke douran hue tabadlah khayaal ke douran bhi yeh mashwaray diye they.
Dr kalaam ne khalayi science daano ko yeh bhi mashwara diya tha ke woh 2050 tak ek Kg ki khalayi gaadi tayar Karen aur iske masarif 20 hazaar Amrici dollar se kam karte hue 2000 Amrici dollars kiye jayen shayad yeh kalaam ka hi kalaam tha k ab jo Chandrayan 2 khala may dagha gaya hai iske akhrajaat hollywood ki film se bhi kam hai. –YTN STAFF