Chennai: Chandrayaan-2 ka Vikram lander kamyabi ke sath orbiter se alag hogaya aur iske sath hi chaand ke junoobi qutub tak pohanchanay ke safar mein Chandrayaan-2 ke naam ek aur kamyabi darj hogayi hai.
Indian Space Reserch Organization ( ISRO) ne tweet kiya ke Chandrayaan-2 Vikram lander aaj dopehar ek bajkar 15 minute per kamyabi ke sath orbiter se allag hogaya.
ISRO ne kaha kay orbiter aur lander ki sargarmia mamool ke mutabiq hain aur un par nazar rakhi jarahi hai. agla amal kal 8 bajkar 45 minute se 9 bajkar 45 minute ke darmiyan hoga jis mein gaadi ko 109 kilometer zarb 120 kilometer ki raftaar par madaar mein qaim kiya jayega.-YTN STAFF