North Kerolina : Zindagi aur mout Insaan ke ikhtiyar mein nahi lekin baaz auqaat zindagi ke aakhri ayyaam mein chand aisi ghair mutawaqqa khusihyan aati hain jo mout ki shahrah per maayoos chalne walay shakhs ki zindagi mein nai lehar doura deti hain. aisa hi ek waqea mout se jung ladtey cancer ke mareez rone foster ke sath pesh aaya jahan is Amrici shehri ne chand dollar ka lottery ka ticket khareeda jis ne usay crores rupay ka maalik bana diya.
Amrici riyasat North kerolina ke rehaishi roni foster pait ke cancer ka shikaar they, unka ilaaj kamyabi se chal raha hai aur ab inhen bas apni aakhri camo therapy karwani hai. ziyada se ziyada raqam kamanay ke khawahish mand foster lottery ke ticket kharidne ke aadi hain aur unhon neh is martaba bhi ek dollar ka ticket khareeda jis mein se 5 dollar ka inaam nikla.
Baad mein unhon ne is paanch dollar se do mazeed ticket khareeday jis mein se pehli lottery to kisi kaam nah aayi lekin doosri lottery ko dekh kar unke hosh udh gaye kyunkay unka 2 laakh Amrici dollars ka inaam nikal aaya tha. unhon neh kaha ke pehli lottery mein kuch nah nikla lekin doosri lottery mein sifar dekh kar mere hosh udh gaye aur mein heran hogaya. tax ki katoti ke baad foster ko 1 laakh 41 hazaar dollar ki raqam mili aur unhon neh kaha ke woh is raqam ka kuch hissa apne ilaaj ke liye istemaal karenge. –YTN STAFF