Panaji: Shehriat Tarmeemi Qanoon Mahatma Gandhi ka khawab tha, Goa ke wazeer aala Pramod sawant ne Charshumbe ke roz apne aabadi shehar Sanquelim mein CAA ki himayat mein munaqidah ek rally se khitaab karte hue kaha. unhoun ne kaha ke ”wazeer aazam Narendra Modi aur wazeer e dakhla Amit Shah ne CAA se mutaliq ye tareekhi faisla liya. Jo is mah ke shuru mein parliament mein manzoor kiya gaya tha. Agar aap usay dekhty hain to, Ye Babaye Qoum Mahatma Gandhi ka khawab tha.
Unhoun ne kaha ke mazkorh qanoon jald hi reyasti qanoon saaz Assembly mein manzoor kiya jaye ga. Wazeer aala ne ye bhi kaha ke mulk bhar mein ghalat afwahoun ki muhim chalaye ja rahi hai, Isi tarha Goa mein CAA ke baray mein ye ilzaam lagaya gaya ke ye qanoon muslim mukhalif hai. Unhoun ne kaha ke aqlitoun ko darane ke liye mulk bhar mein ghalat fehmi phailai ja rahi hai. CAA ka maqsad kisi ki shehriat khatam karna nahi hai. Musalmanoun ko khaufzadah nahi hona chahiye.
Wazeh ho ke, CAA ke khilaaf mulk bhar mein muzahirey kiye ja rahay hain aur tashadud phoot pada hai, Jis ke zareya Pakistan, Afghanistan aur Bangladesh ke, Hindo, Esaion, Jainu, Sikhoun aur Budhistoun ko Hindustani shehriat dainay mein madad millti hai. –YTN STAFF