New Delhi: Bhartia Janata Party ( BJP ) ne shehriat tarmeemi qanoon ( CAA ) ki mukhalifat mein Shaheen Bagh aur mulk ke kayi deegar maqamat par jari ehtajaji muzahiroun ko mulk mein nafrat ki siyasat phela kar mulk ko todnay ki saazish karne ka ilzaam aed kiya hai. BJP ke tarjuman Sambit Patra ne yahan media se kaha ke CAA ki mukhalifat ke naam par naam nihaad ehtijaj ke bahanay nafrat ki siyasat phailai ja rahi hai jis ke alambardar All India Majlis-e-Ittehadul Muslimeen ( AIMIM ) ke rehnuma Asaduddin Owaisi hain.
Dr Patra ne kaha ke Owaisi ke Platform par kal Pakistan zindah baad ke naaray lagaye gaye to unhoun ne fori tor par Mic chean liya lekin un ki party ke tarjuman aur leader Waris Pathan ne 15 crore ba muqabla 100 crore wala bayan aur 15 minute tak zehraa lood taqreer ki to Owaisi ne un ka Mic nahi chinna. Unhon ne kaha ke jab stage ke peechay Pakistan ko Oxygen di jati hai aur Stage ke agay ayeen aur tirangaa lehraane ka Drama kiya jata hai to kabhi kabhi sach samnay aahi jata hai
unhoun ne kaha ke Waris Pathan ne kaha ke hum chean kar len ge azaadi. Owaisi batayen ke aakhir ye kon si azaadi hai jo Supreme Court se bhi nahi mil pa rahi hai. Inhen batana chahiye ke aakhir inhen kon si azaadi chahiye. Pathan ne ye bhi kaha ke Shaheen Bagh ki sherniya utrain to haalat kharab hai jab hum utrain ge to kya hoga. Is se wazeh ho gaya hai ke wo khawateen ko dhaal ke tor par istemaal kar rahay hai.
Patra ne kaha ke Owaisi ke chhootay bhai ne kaha hai ke hum ne 800 saal tak Hindustan par hukoomat ki hai. Musalmanoun ne mulk ko Lal Qila, Qutub Minaar aur Taj Mehal diya hai. Wo kehte hain ke 15 Crore 100 crore par bhaari pade ge. Owaisi ke chhootay bhai Akbaruddin Owaisi ne kaha tha ke 15 Minute Police hata li jaye to dekho hum kiya karte hain. Is terhan ke bayanoun se se 16 August 1946 ko Mohammad Ali Jinnah ka Direct Action ka elaan yaad aata hai jab Kolkata mein ek haftay tak Hindon ka khoon kharaba kiya gaya tha.
BJP tarjuman ne kaha ke Waris Pathan ke bayan par kisi bhi Secular siyasi Party ka ya naam nihaad danishwaroun ka ek bhi bayan nahi aaya hai. Kisi ne bhi is ki mukhalifat nahi ki. Aligarh Muslim University ( AMU ) ke talba Union ke sadar Faiz ul Hasan aur Sherjil Imam ke bayanaat ko dekha jaye to wo kehte hain ke hamari qoum ki jung mein mulk ko barbad kar satke hain. Unhoun ne kaha ke ye ek ittafaq nahi balkay saazish hai. Mulk ke awam ko sochna hai ke un ka kya kiya jaye. –YTN STAFF