Bengaluru: Karnataka ke shehar Mangloru mein jumaraat ko, Shehriat tarmeemi act ( CAA ) ke khilaaf ehtajaji muzahiroun mein honay walay tashadud ke baad 2 afraad ki mout ho gayi. Isse qabal Mangloru police shehriat tarmeemi act ( CAA ) ke khilaaf ehtijaj karne walay muzahireen par firing karte hue video dekha gaya tha.
Police ka daawa hai ke unhoun ne muzahireen par lathi charge kiya aur jab sorat-e-haal par sukoon nahi hui to unhoun ne huva mein firing kardi. Police ka ye bhi daawa hai ke is mein koi bhi zakhmi nahi huva.
Police ka daawa hai ke hajhoom bandar gaah ke ilaqay ke qareeb par tashadud ho gaya aur pathrao karna shuru kar diya, Iske jawabi karwai mein unhoun ne fire kar di. Muzahireen ne Mangloru mein jagah jagah mamnooa ehkamaat ko nazar andaaz kiya. Karnataka ke 5 police station hudood mein mamnooa ehkamaat nafiz kiye gaye hain. -YTN STAFF