Rio de Janeiro: Brazil ke jungle mein rehne walay Amazonas qabaili desi aur riwayati totkoun ke zariye coronavirus ka ilaaj karne ki koshish kar rahay hain. Amazonas qabeeley ke loog jungle se khaas qisam ki jadi bootion aur shehad ki madad se corona alamaat ke khatmay ki koshisho mein judey huve hain jo un ke riwayati totko mein shaamil hai.
Qabaili totkay ke tehat Bark nami darakht ke reshoun aur shehad ki milawat se dawa tayyar aur istemaal karte hain aur un ka maanna hai ke mazkoorah dawa aalmi waba ke mareezoun ko shifa deti hai. Brazil mein Amazon jungle mein rehne walay mukhtalif qisam ke qabail bhi coronavirus se mutasir ho rahay hain, Ab tak 20 hazaar mamle samnay aaye jabkay 1 hazaar ke qareeb afraad halaak bhi huve. Face Mask, Hand sanitizer aur hifazati Kits se mahroom jungle ke qabaili apni madad aap ke tehat waba ke ilaaj daryaft karne ki daud mein lagey huve hain. –YTN STAFF