Brazil ke bartari rakhnay walay sadaarti umeed waar Jaer Bolsonaro ko jin par jaan lewa qatilana hamla hwa tha Sao Paulo ke Albert Einstein Israelite Hospatal muntaqil kardiya gaya hai. Muqami media ke mutabiq un par aik rally ke dauran chaako se waar karkay shadeed zakhmi kardiya gaya. Mulk ki junoob mashriqi riyasat Minas Gerais ke Juiz de Fora city mein intikhabi muhim ke dauran chaako ke hamla se right wing ke umeedwaar Bolsonaro shadeed zakhmi hogaye. Hamla se un ke pait aur chhaati par shadeed zakham aeye hain. Sadarati umeedwaar ke betay Flavio Bolsonaro ne apne waalid ke zakhamo ko shadeed tareen qarar daitay hue apne tweet paigham mein kaha hai ke 60 sala sadaarti umeed waar ke jigar aur phephday shadeed zakhmi honay se badi miqdaar mein khoon bahe gaya hai. Surgery karne walay Dr. Luiz Henrique Borsatone bataya ke inhen mukammal sehat yab honay ke liye kam az kam do mah darkaar hon ge. Unhen androoni taur par gaheri chouten aayi hain jis ke baayis un ki jaan ko khatrah la-haq hogaya tha. Woh apni intikhabi muhim ke dauran apne haamion mein ghiray hue thae ke un ke shikam ke nichle hissa par chaako se hamla kiya gaya. Hamla aawar ko fauri giraftar karliya gaya. Latin America ke baday malik Brazil mein sadaarti intikhabaat 7th October ko munaqqid honge.