Mumbai: Hindustani Wazir e Azam Narendra Modi ki zindagi par mabni Film jis mein Modi ka markazi kirdaar Vivek Oberoi nibha raha hain, usay mujawaza tareekh se qabal ab 5 April ko hi Cenima Gharon mein paish kardiya jaye ga. Film PM Narendra Modi jo phelay 12 April ko release honay wali thi ab usay aik hafta qabal 5 April ko hi release kardiya jaye ga. Is ziman mein izhaar khayaal karte huwe film ke Producer Sanjeep Singh ney kaha ke Film ko muqarara waqt se phelay release karne ki wajah awaami mutaleba hai kyunkay is waqt 1. 3 million awam be-sabri se is film ka intzaar kar rahay hain aur hum un ke intezar ko tole dena nahi chahtay aur film ko Jald Release karne ka faisla karliya hai.
Film ke Director Omung Kumar ki hadaayat mein ban’ney wali yeh Film Narendra Modi ki zindagi par mabni hai jo ke Chief Minister ki hesiyat se –apne siyasi carrer ka aaghaz karte huwe 2014 ke intekhabaat mein Wazir e Azam tak ki kamyabi haasil karte hain. Is film mein Vivek Oberoi ney jahan markazi kirdaar ada kya hai wahein Boman Irani, Manoj Joshi, Parshanat Narayan, Zarina Wahab , Barkha Singh Gupta, Anjan Srivastav aur deegar ahem kirdaar nibha rahay hain. Yeh film Tamil aur Telugu zabanon mein bhi release ki jaye gi.