Mumbai: Shiv Sena ke sadar Uday Thackeray nay wazeh tor par kaha hai ke BJP ke sath ittehaad barqarar hai aur dono partiyan aindah intikhabaat fee kas 135 nishistoun par intikhabaat ladengi. Uday nay mukhtalif qiyaas aarayyon ke darmiyan yeh baat kahi hai.
Mazkoorah formulay par BJP saddar Amit Shah aur chief minister Devendra Fadnavis nay faisla kiya hai aur hum isi parkar band hain aur is ittehaad ke baaray mein jald hi elaan kardiya jayega. dono partiyan baqi nishistain deegar ittihadi jamaaton ke liye chodh dengi. Maharashtra assembly mein majmoi tor par 288 nishistain hain.
Darin asna maarof kisan Rehnuma Kishore saahu nay kal Shiv Sena mein shamoliat ikhtiyar karli, halaanke chand roz qabal motor vehicle qanoon sameit kayi mamlaat par unka BJP kay sath moahida hua tha. VJA se wabasta Kishore saahu ko aisay mehal se ticket diye jaaney ka imkaan hai.
Yaad rahay ke 18 reyaston ki 64 assembly nishistoun par honay walay zimni intikhabaat Maharashtra aur Haryana assembly intikhabaat ke sath 21 October ko raye dahi ki jayenge aur un intikhabaat ke nataij ka 24 October ko elaan kiya jayega.
Cheif election commissionaire Sunil Arora nay yahan munaqidah ek press conference mein Maharashtra aur Haryana mein assembly intikhabaat ka elaan kiya. unhon nay kaha ke 64 nishistoun par zimni intikhabaat ke liye raye dahi 21 october ko hogi aur votoun ki ginti 24 october ko hogi. intikhabaat ke liye aalamia 23 sepember ko jari kiya jayega aur un nishistoun ke liye kaghzat namzadgi daakhil karne ki aakhri tareekh 30 September hai aur naamon ko 3 october tak wapas liya jasakta hai. –YTN STAFF