Lucknow : Salman Khan ki mezbani wala TV Reality show ”Bigg boss “ un dinoun mushkil mein ghera hua hai. kyunkay is show mein honay walay tanazaoun ki wajah is show ke khilaaf aawazein uthney lagi hain. unhi ke beech Ghaziabad se BJP ke rukan-e-assembly ”Nand kishore Gujjar“ ne wazeer it-tila-aat wo nashriyat prakash Javadekar ko ek khat likh kar is show ko band karwanay ka mutalba kiya hai.
BJP rukan-e-assembly ne apne khat mein yeh ilzaam lagaya hai ke yeh show fehash aur bad-kaari ko farogh deraha hai aur khandan ke hamrah dekhnay ke qabal nahi hai. aur yeh show mulk ke saqafati eqdaar ke khilaaf hai aur intehai qabil-e-aiteraaz hai.
Unhon ne likha ”ek taraf wazeer-e-aazam Narendra Modi hindustan ko apna khoya hua maqam dobarah dilanay ki koshish kar rahay hain aur doosri taraf is tarhan ke show zay mulk ki Saqafat ko paamaal kar rahay hain.
Unhon ne is tarhan ke shows ki rok thaam ke liye television par pesh kiye jane walay programms ke liye ”censor mechanism ka bhi mutalba kiya.
Barhaman maha sabha ne bhi ”Bigg boss“ show par fori pabandi aed karne ka mutalba kiya hai. maha sabha ne is zimn mein Ghaziabad zilai magistrate ko ek yad-dasht pesh ki hai. idhar uttar pradesh no nirman sena ke sadar amit jani ne elaan kiya hai ke jab tak Bigg boss show band nahi hota woh koi anaj nahi khayenge. wazeh ho ke in dinon television par pesh honay wala yeh show ”bigg boss“ ka 13th season chal raha hai. jis mein aaye din naye naye tanazeaat samnay aarahay hain. –YTN STAFF