New Delhi : Barsariqtedar BJP ney intikhabi muhim ke douran internet par sirf Google ishtiharaat ke liye ek crore rupay se zayed ki raqam karch kar di lekin phir bhi Tamilnadu ki siyasi jamaat se peechay hai .
Indian transparency ki report ke bamajub ab tak un siyasi jamaaton ney sirf Google ishtiharaat par 3 crore 76 laakh rupay se zayed kharch kardiye aur is mein BJP , TDP, YSR congress party numaya hai. taham Andhra Pradesh hukmaran siyasi jamaat TDP aur is ke sarbarah Chandrababu Naidu par ishtiharaat ki 2 alehda alehda companiyon ney paisa kharch kya jis ke sath hi woh intikhabi muhim ke douran Google ishtiharaat par sab se ziyada paisa kharch karne walay shakhs ban gaye .
Indian transparency ney kaha ke mazkoorah raqam 19 feb 2019 ke baad kharch ki gayi jis mein 32 feesad BJP ney kharch ki jabkay congress ney sirf 0.14 feesad kharch kiya .Adaad wo shumaar ke mutabiq BJP ney ek crore 21 laakh rupay sirf dedh mah ke arsay mein Google ishtiharaat par kharch kardiye. TDP aur is ke sarbarah Chandrababu Naidu ki tasheer ke liye kaam karne wali Promenita Astritiji Consulting Private ltd ab tak 85 laakh 25 hazaar rupay kharch kar chuki hai .
Is ke alawa ek aur company digital consulting private ltd ney naidu aur is ki party ki tahseer ke liye 63 laakh 43 hazaar rupay kharch kiye .Andhra Pradesh ke Jagan Mohan Reddy ki sarbarahi mein YSR congress party ney ek crore 4 laakh aur congress ney 54 hazaar rupay kharch kiye. isi tarha P Sai Charan Reddy ney YSR ke umeed waar ko farogh dainay ke liye 26 hazaar 4 so rupay kharch kiye gaye. doosri janib Google ney policy ki khilaaf warzi karne par 11 mein se 4 siyasi jamaaton ke advertise ko block kar diya hai .-YTN STAFF