Mumbai: Congress ke Senior Leader Sushil Kumar Shinde ney mangal ko aik sansani khaiz daawa karte huwe kaha ke unhen haal hi mein Bharatiya Janata Party ki janib se Party mein shaamil honey ki peshkash huwi hai. Unhon ney kaha ke phelay un ki Beti Praniti Shinde jo Maharashtra ki rukan Assembly hain se rabt kiya gaya aur baad mein inhen bhi yeh peshkash ki gayi. Shinde ney media se baat karte huwe bataya.
Unhon ney kaha halaanke, Congress chodney ka koi sawal hi peda nahi hota hum unn ke behkaway mein nahi ayen ge. Hum dono Congress ke karkun hain aur apni aakhri saans tak aisay hi baney rahen ge.
Yeh pochay janey par ke kis ne inhen yeh peshkash ki thi? 77 sala sabiq markazi Wazir, Sabiq Wazir e Aala o Governor ney kaha mere hi barabari ke 1 shakhs ney mujhse rabeta kya.
Shinde ki janib se Solapur halqa Lok Sabha se parcha namzadgi daakhil karne ke aik din baad samney aayi is khulase ney riyasat ke siyasi halqon mein halchal peda kar di hai. ittafaq se, Wazir e Azam Narendra Modi aur Shinde mein kayi saloon se aik acha taal mil raha hai. Jab Modi Gujrat ke Wazir e Aala they, Shinde ney unkay aur deegar Wazir e Aala ke sath, markazi Wuzraa aur deegar Wuzraa ke sath baat cheet ho ti rahi hai.