Sonebhadra : Jammu wo Kashmir mein Article 370 ko khatam karne par tanqeed karte hue congress ki general secretary Priyanka Gandhi ney kaha ke Bharatiya janata party ( BJP ) ki hukoomat ney hamesha dastoor ko mustard kiya hai aur unki jamaat jamhooriat aur aaen ke ladai ladte rahaygi. zila mein 17 June ko hue tashadud mein halaak honay walay 10 qabaliyoun ke ahal-e-khanah se milnay aayi Priyanka Gandhi ney media numaindon se kaha ke BJP ney hamesha dastoor ko mustard kiya hai, lekin congress hamesha jamhoriat aur aeen ke difaa ke liye jad-o-jehad karti rahaygi.
Unhon ney kaha ke jammu wo Kashmir ke muamlay par party ki raye ek jaisi hai. party apne tamam faislay kaarkunon aur qaideen ke ijlaas mein mutafiqa tour par karti hai. jammu wo Kashmir mein Article 370 ko khatam karna ghair dastoori hai. wazeh rahay ke jammu wo Kashmir ke muamlay mein Priyanka Gandhi ney pehli baar apna radd-e-amal zahir kiya hai. is se qabal congress ke senior rehnumao Ghulam Nabi Azad aur P Chidambaram samait mutadid deegar rehnumao ney Kashmir mein markaz ke faislay par tanqeed ki hai. Congress general secretary Priyanka Gandhi gandhi ney mashriqi Uttar pradesh ke zila sonebhadra ke mutasirah khandano se mulaqaat ki wahein ( BJP ) ney congress leader ke douray ko mehez siyasat qarar diya hai. Priyanka Gandhi subah varnasi airport par pohanchi jahan se ba-zarea car woh sonebhadra mein Ambaha gaon pohanchi jahan guzashta June ko zameeni tanaza mein das qabailyon ka qatal kar diya tha.
Congress general secretary ney Ambaha ke primaray school ke ahatay mein mutasireen se mulaqaat kar ke unki khair-o-aafiyat daryaft ki. woh is jagah ko bhi dekhnay gayi jahan qatal aam ke waqea ko anjaam diya gaya tha. Priyanka Gandhi ney chataai par baith kar mutasireen se hamdardi ka izhaar karte hue un ki kher aafiat daryaft ki. baad mein unka qaafla gaon se sonebhadra ke liye rawana hogaya. Priyanka Gandhi ke douray ke paish-e-nazar reyasti hukoomat ney security ke behtar intizamaa kiye they. 17 June ko Sonebhadra ke Ghorawal mein zameeni tanaza ki wajah se hui firing mein das qabaliyon ki mout aur taqreeban 22 afraad zakhmi honay ke baad congress general secretary ney mutasireen ke ahal-e-khanah se mulaqaat ki koshish ki thi lekin zila intizamia ney hukum imtina ka hawala dete hue inhen zila ki hadd mein daakhil honay se rok diya tha. inhen Mirzapur ke Chunar guest house mein 26 ghantoun tak rakha gaya tha taham baad mein guest house mein hi unhon ney mutasireen ke ahal-e-khanah se mulaqaat ki thi aur har mehlukeen ke lawahiqeen ko das laakh rupay dainay ka elaan kiya tha. –YTN STAFF