Mumbai : Karnataka ke BJP Leader aur ananth kumar hegde ke ek bayan ne Maharashtra mein siyasi toofan paeda kardiya hai, jis mein unhon ne kaha hai ke Maharashtra mein BJP ne Devendra Fadnavis ko aksariyat na honay ke bawajood CM bananay ka drama racha tha taakay markaz se riyasat ko miley 40 hazar crore rupay ke funds wapas lota diya jaye aur shiv sena, congress aur NCP ittehaad Iqtidaar mein anay ke baad iska ghalat istemaal na kare. NCP ke tarjuman Nawab Malik ne kaha kay agar aisa kiya gaya hai to yeh Maharashtra ke sath serra-sir na-insafi hai aur iska jawab Fadnavis hi nahi balkay markaz ki modi hukoomat ko bhi dena hoga.
Hegde ne apne bayan mein kaha hai ke Fadnavis ko CM bananay ka drama is liye racha gaya taakay fund ko shiv sena ke ittehaad se bachaaya jaye halaanke unkay paas aksariyat nahi thi. wazeh rahay ke congress NCP shiv sena ki qayadat mein hukoomat saazi ki koshish mein lagi thi, is waqt achanak ratoun raat sadar raj hata kar Fadnavis ko CM banadiya gaya aur unhon ne 80 ghantay baad istifa dey diya tha. is silsila mein NCP ke leader Ajit pawar ko naib CM banayagya tha. Hegde ne kaha hai ke BJP ne ye drama racha aur Fadnavis ne haq ada karte hue pandrah ghantay mein fund wapas kardiya. is tarhan shiv sena ittehaad ko chalees hazar funds nahi mil saka. –YTN STAFF