Friday, March 29, 2024
HomeHyderabadBJP nahi AIMIM hamari asal hareef: KTR

BJP nahi AIMIM hamari asal hareef: KTR

Hyderabad: TRS ke working saddar aur it wazeer KT Rama Rao jo party ki GHMC intikhabi muhim ki rahnumai kar rahay hain unhon ne kaha ke AIMIM ke sath koi ittehaad nahi hai aur gulabi party AIMIM ko apna ahem hareef manti hai.

1st decemeber ko honay walay GHMC intikhabaat ke zimn mein muntakhib media numaindon se guftagu karte hue KTR  ne kaha TRS is baar century ka muqaabla karkay GHMC intikhabaat mein 99 seats jeetnay ka apna 2016 ka record todegi. Unhon ne is baat ka iada kiya ke ek khatoon TRS coroporator 4 decemeber ko intikhabi nataij ke elaan ke baad GHMC mayor ka ohda sanbhalaingi.

Opposition partiyan ek bad-niyati par mabni muhim mein mulawis hain TRS aur AIMIM GHMC intikhabaat ke liye ittehaad mein hain. wo logon ko gumraah kar rahay hain. ye jhoot phelana hai TRS GHMC mayor ka ohda ae AIMIM ke hawalay kardeygi. yeh kitney bewaqoof hai? aakhri baar hum ne 150 mein se 99 nishistain haasil ki theen aur is baar, hum ek century banayenge.

KTR  ne ilzaam lagaya ke BJP mazhabi aur firqa waranah bunyaad par logon ko taqseem karne ke mazmoom iraday ke sath TRS – AIMIM ittehaad ke jhutay propaganda ka sahara le rahi hai.

GHMC intikhabaat jeetnay ke liye TRS ke haq mein hindu voton ko polarizes karna aur hinduo ko TRS se door karna, BJP qaideen yeh khawab dekh rahay hain ke agar woh AIMIM ko hamaray ittihadi ke tor par paish karte hue TRS ko shikast dainay ki koshish mein hai lekin TRS GHMC mayor banayega. Hamara asal hareef AIMIM hai. hum ab kam se kam 10 nishiston par AIMIM ko shikast denge, hum ne 2016 mein AIMIM ke khilaaf paanch ilaqon mein kamyabi haasil ki thi. hamein is mein dilchaspi nahi hai ke GHMC intikhabaat mein kon number 2, number 3 aur number 4 par hoga. kyunke TRS number 1 ke tor par samnay aayega.

GHMC ki intikhabi jung ka muqaabla gali party ( muqami party TRS ), lolly party ( pareshan kin party BJP ) aur bewaqoof party ( congress ) ke mabain musabqat hai. KTR ne is etemaad par zor diya ke hyderabad ke voters yakheeni tor par muqami numaindon ka intikhab karenge. TRS hukoomat ke tehat hyderabad ne pichle 6 saal mein bohat taraqqi ki hai, KTR ne bayan kiya aur mazeed kaha ke shehar mein achay kaam ko jari rakhnay ke liye, gulaabii party ko GHMC intikhabaat mein kamyabi haasil karni chahiye.

Yeh TRS hukoomat thi jis ne logon ko bila ta-attul bijli ki farahmi, aman aur salamti ko yakeeni bananay ke alawa shehar mein sadkain, flyover aur deegar bunyadi dhanchay tayyar kiye. un sab ne bain ul aqwami tanzeemon aur multi national companiyon ko Raghib karne walay halaat aur mahol ko yakeeni banaya.