Hyderabad: Adilabad se Bhartia Janata Party ke rukan-e-parliment Bapu Rao ne haliya bayan aisa diya jis se is waqt ek tanaza paeda hogaya hai jaisa ke unhon ne ilzaam lagaya ke mehakma janglaat ke ohdedaron ne muqami logon ko dehshat zada karne aur qabailioyiun ke zariye poudoun ki kasht ko rokne ke liye jungle may sheroun ko chodh diya hai.
Rukan-e-parliment guzashta saal kondapally gaoun may sher ke hathoun halak hone wale piswala niramal ke lawahikeen ko 10,000 rupaye ki maali imdaad dainay ke baad guftagu kar rahay thay. bapu rao ne aadam khor sher ko pakadney mein nakaam honay par mehakma janglaat ke ohdedaron par yeh ilzaam lagaya ke woh dehi logon ko khaufzadah karne aur poudoun ki kaasht roknay ke liye jaan boojh kar zila me jangalat may sheroun ko chodh dete hai.
Kiya aap jald he sher ko pakad lenge ya phir hum is darinde ko zehar de kar halak karde? Unhoun ne hukkam se sawal kiya. rukan parliment ne ohdedaron par insanon aur jungli janwaron ke liye hifazati iqdamaat karne mein Mobayyana ghaflat baratnay ka ilzaam aed kya hai. unhon ne is haqeeqat par bhi taajjub kya ke sirf qabaylyon ko sheron ke hathon kyun mara ja raha hai. unhon ne mutalba kya ke ohdedar sher ko chidya ghar mein muntaqil karne aur insani jaanun ke mazeed nuqsaan ko roknay ke liye iqdamaat karen.
Is se qabal chintal maani pally mandal aur bijore mandal center ke goddamme gaon ke darmiyan black taap road ka sang bunyaad rakhnay walay bapu rao ne pathar par kunda naamon ke hukum par aitraaz uthaya. Woh chahtay thay ke muqami MLA konpa par qabaili awaami numainday ki tauheen karne ka muqadma darj kya jaye.