Bhopal : BJP ke sabiq rukan-e-assembly Surendar nath singh ki beti ne Jabal poor MP high court mein ek arzi dair ki hai, jis mein is ke ahal-e-khanah se bachao ke liye police tahaffuz faraham karne ka mutalba kiya gaya hai. mazkoorah BJP rukan-e-assembly ki beti Bharti singh ke wakeel ne Bharti singh ki taraf se ek arzi daakhil ki.
28 sala Bharti singh ne kaha ke woh haal hi mein apne kumbe aur ghar ko chodh diya hai. Aur nashe ke injection lene ke ilzaam ki wajah se apne ghar walon se tang aakar ghar chodh diya. woh ek MLA ke betay se shadi karna chahti hain.
Sabiq wazeer-e-aala Shivraj singh chuhan ke qareebi saathi surendar nath singh ne 16 oct ko kamla nagar mein shikayat darj karyi thi ke unki beti Bharti laa pata hogayi hai. unhon ne kaha tha ke unki beti ”zehni tor par beemar hai. kamla nagar police station incharge inspector ne tasdeeq ki.
Jabkay ek ilaqai news channel ke zareya chalaye janey wali audio aur video clips mein, Bharti ko yeh kehte hue suna gaya hai ke woh tashadud se bachney ke liye apna ghar chodh chuki hai. aur mein salamat hon. aur mein zehni tor par tandrust hon. jabkay is ke waalid vishwaas singh naraaz hain ke unki beti baradri se bahar shadi karne ki khwaahan hai. –YTN STAFF