Dubai: Mutahidda Arab Emarat ki riyasat Fujairah mein miyan biwi ke mabain ikhtilaaf is hadd tak poanch gaya ke khatoon ne shohar ki ungelian hi kaat den. Adalat ne dono par fi kas 1500 Dirham jurmane ayed karte huve ek mah qayed ka hukum suna diya. Tafseelaat ke mutabiq Primary Court ne miyan biwi ku ek mah qayed ka faisla hukum iltiwa ke sath sunaya jabkay dono par fi kas 1500 Dirham ka jurmana bhi kiya.
Public Prosecution ne miyan biwi ka muqadma adalat mein pesh kiya tha. Dono par fard jurm ayed ki gayi. Biwi ne bayan dete huve kaha ke hamaray darmain jhagda hogaya tha dono ne ek dosray ko mara petta. Mein ne shohar ke khilaaf Police Station mein shikayat darj karai to pata chala ke shohar pehlay hi mere khilaaf Report darj karchuka hai.
Khatoon ne bataya ke jhagde ke douran wo bhaag kar kamray mein ghos gayi. Shohar ko kamray mein anay se roknay ke liye darwaaza band kar rahi thi isi douran shohar ke haath ki ungelian darwazay ke darmain aa gayeen jis se is ki ungelian zakhmi hugaye. Khawateen ki wakeel ne apni moklah ki safai pesh karte huve kaha ke meri moklah bhi zakhmi huvi thi jis ki Medical Report bhi pesh kardi gayi hai jis ki wajhe se wo 20 din tak kaam nahi kar sakti. Medical Report mein shohar ki ungelian totnay ka koi tazkara nahi.
Shohar ne apne bayan mein kaha ke is ka biwi se jhagda hogaya tha. Jhagda tey nah honay par dono aayli umoor ki adalat chalay gaye they is tabdeeli ki wajah se dono ke darmain ikhtilaaf aur ziyada badh gaya aur dono ek dosray se zehni tor par daur hogaye. Shohar ne apna bayan jari rakhtay huve kaha ke dono mein behas chal rahi thi aur aawazian onche hogayen. Behas shiddat ikhtiyar kar gayi aur dono apne asaab par qabo kho baithy. Dono ne ek dosray ko zado kob kiya jis se is ka haath zakhmi huva. Fariqain ne Primary Court ke faislay ke khilaaf Al-Fujairah Appeal Court se rujoo karliya jahan un dinoun dono ke muqadmay ki samaat jari hai. –YTN STAFF